مرحبا بيكوم فسّيت تّاعنا
merHba bikum f ssit ntaCna
مرحبا بيكوم! هاد سّيت مكتوب بدّارجة تاع دزّاير وبلحوروف تاع لعربيّة. تقّدرو تلقاو هنا ماقالات مترجمين لدّارجة ملفرانسي ولاّ ملعربيّة لفوصحى. فلّوّل لازم تعّرفو بلّي قاواعيد لإيملا لّي رانا نستعملوهم فلكتيبة تاع دّارجة مختالفين على قاواعيد لفوصحى. لحاجة لّولا لّي لازم تعّرفوها هي بلّي في عوض ما نستعملو لفتحة ولاّ لكسرة ولاّ ضّمّة نستعملو حوروف لمدّ تاع لعربيّة. في عوض لفتحة نحطّو "ا" وفي عوض ضّمّة نحطّو "و" وفي عوض لكسرة نحطّو "ي". وين ننّطقو لحرف مشدّد، نحطّو دايمن شدّة "ّ" فوق لحرف. و فلكلمات لّي يبداو بحوروف شمسيّة، كي يكونو معرّفين، في عوض لآليف ولاّم "ال" نحطّو شدّة برك : "الشمس" نكّتبوها "شّمس". وفلكلمات لّي يبداو بحوروف قامارييّة، نحطّو لام "ل" برك : "الكبير" نكّتبوها "لكبير". في راينا، هاد لقاواعيد يسهّلو علينا لقراية تاع دّارجة